Proposamen eta estrategia multzo bat da Funtzio Anitzeko Ingurune Berdeak sortzeko, bizi-kalitatea hobetzeko, dirua aurrezteko, eta Biodibertsitatea eta Klima zaintzeko.

Lorezaintza jasangarria

Diseinua, egokitzapena eta mantentze-lanak, ingurumen, ekonomia eta gizarte arloko irizpideekin bat. Horrela, hau guztia lortuko dugu: bizi-kalitatea, edertasuna, ingurumen heziketa, diru aurrezpena, isuriak murriztea eta material gutxiago kontsumitzea.

Klima Azpiegitura

Kontzeptu berritzaile horrek elkartu egiten ditu udalerri edo eskualde bateko berdeguneak, eta eraikin eta instalazio publikoak eta pribatuak, baina honako hau guztia sustatzen dutenak: isuri gutxiago sortzea, eraginkortasun energetikoa, energia berriztagarrien ekoizpena, herritarrak kontrako klima-gertakarien aurrean babestea, zabalkundea eta herritarren parte-hartzea, edota karbono-hustulekurako eginkizunak betetzea.

Klima Aterpeak

Gune berdeak edo eraikin diseinatuak edo egokituak dira bizilagunei, faunari eta landareei klima-gertakari kaltegarrien aurrean aterpe emateko. Herritarrak klima-aldaketaren eta klima-zainketaren inguruan prestatzeko guneak dira.

Baso txikiak

Funtzio anitzeko baso metaketak dira hiri-ingurunean. Gauza asko eskaintzen dituzte, hala nola karbono-hustulekua, aterpe klimatikoa pertsona, fauna eta landareentzat, eta ingurumen arloko heziketa eta parte-hartzea herritarrentzat eta ikasleentzat. Era berean, egonaldi lasaiko guneak dira, baita osasun guneak ere, hiri-ingurunearen erdian baso-bainuen bidez.